ಮಾತಿಗೆ ಬರವಿರುವ ಜಾಗದಲಿ ಮೌನಕೇನು ಕೆಲಸ ?

ಮಾತಿಗೆ ಬರವಿರುವ ಜಾಗದಲಿ ಮೌನಕೇನು ಕೆಲಸ ?

ಮಾತಿಗೆ ಬರವಿರದ ಜಾಗದಲ್ಲಿ ಮೌನಕೇನು ಕೆಲಸ ?

ನೀ ದೂರವಿರು ಸಾಕಾಗಿದೆ ಮುಚ್ಚಿಟ್ಟು ಸುಟ್ಟ ಭಾವನೆಗಳ!

ಕಟ್ಟೆ ಹೊಡೆದಾವು ಬೆಟ್ಟದಷ್ಟಿರೋ ಕಾಡೋ ಕನಸುಗಳು 

ಬಿಟ್ಟುಬಿಡು ನನ್ನನೊಮ್ಮೆ ಬಯಲಿಗೆ ತಿರುಗುವೆ ಮನಸೋಯಿಚ್ಛೆ.

ಬಿಡದಿರೆ ಸಿಟ್ಟಿಗೆದ್ದಾವು ಧಿಕ್ಕರಿಸಿ ನಿನ್ನ ಈ ಕ್ಷಣ ಹೊತ್ತಿನಲೆ.

ಮಾತಿಗೆ ಬರವಿರದ ಜಾಗದಲಿ ಮೌನಕೇನು ಕೆಲಸ ?

ಭೋರ್ಗರೆಯುವ ಅಬ್ಧಿ ಸ್ಥಭ್ದವಾದರೆ ತರವೆ!

ಮಾರ್ದನಿಸುವ ಪಿಸುಗೋಪುರ ತುಸು ನಿಂತರೆ ಸರಿಯೇ?

ಮಳೆನಿಂತರೂ ಮೌನಮುರಿವ ಮರದನಿಗಳು ದನಿಸದಿದ್ದರೆ ಹೇಗೆ?

ಎಂತಾದರೂ ಸರಿಯೇ ಮುಂದಾಡುವ ಮನಧನಿಯೇ ನುಡಿವೆ.

ಮಾತಿಗೆ ಬರವಿರದ ಜಾಗದಲಿ ಮೌನಕೇನು ಕೆಲಸ ?

ಕರಿನೆರಳಿನಾಚೆಗೋಂಗಿರಣ ಬಯಸುವುದು ತಪ್ಪೇ!

ಬರಿದಾದ ಮನದಂಗಳದಿ ರಂಗೋಲಿಯಾಕುವಾಸೆ 

ಉರಿವ ನೇಸರನೊಮ್ಮೆ ಹೊರಸರಿಸಿ ಬೆಳದಿಂಗಳಾಗುವೆ

ತಂಪನೆರೆವೆ ಉಸಿರಬಿಗಿಹಿಡಿದೆದೆಗೆ ಒಮ್ಮೆಲೆ ಎಲ್ಲವನು ಹೇಳಿ.

ಮಾತಿಗೆ ಬರವಿರದ ಜಾಗದಲಿ ಮೌನಕೇನು ಕೆಲಸ ?

ದಾರಿಯುದ್ದಕೂ ಬರಿ ಕುರುಚಲು,ಮುರುಕಲು ಸವೆದ ಹಾದಿ

ಭಾರಿ ಭಾರವನೊತ್ತ ಮನದ ಮೆರವಣಿಗೆ ಬರಹೊರಟರೆ ಹೇಗೆ

ಗುರಿ ಮುಟ್ಟಲು ಒಮ್ಮೆ ಹಾರೇಬಿಡುವೆ ಗಾಳಿ ಬೀಸುವ ದಿಕ್ಕಿಗೊಮ್ಮೆ.

ಬರಿಯ ಬಡಬಡಿಸುವ ಎದೆಯೊತ್ತು ನಡೆದ ದೇಹಕೀಗ ಭಾರವನಿಳಿಸುವೆ.

ರಚನೆ : ಕುಮಾರ್ ಬಿ ಬಾಗೀವಾಳ್.