ಅಂತಿಮವಾಗು… ಪರರ ಪರಪಂಚದಲಿ. Anthimavagu... a poem by Kumar B Bagival

 ಅಂತಿಮವಾಗು… ಪರರ ಪರಪಂಚದಲಿ.

ನಾ ನಡೆದದ್ದೇ ಹಾದಿಯಾಗಬೇಕು 

ನಾ ಕಂಡಿದ್ದೇ ನಿಜವಾಗಬೇಕು

ನಾ ಕೊಂಡಿದ್ದೇ ವರವಾಗಬೇಕು

ನಾ ನುಡಿದಿದ್ದೇ ಅಂತಿಮವಾಗಬೇಕು.

ಎಂದಾದರೆ ಅದು ನೀನೊಬ್ಬನಿರುವ ಪರಪಂಚದಲ್ಲಿ ಮಾತ್ರ.

ಬೆಳಕಾಗು ಹಾದಿಯಾಗಲು,

ಕನ್ನಡಿಯಾಗು ನಿಜವಾಗಲು,

ದೇವರಾಗು ವರವಾಗಲು,

ಅಂತರಾತ್ಮವಾಗು ಅಂತಿಮವಾಗಲು.

ಅಂದಾದರೆ ಮಾತ್ರ ನೀನಿರುವೆ ಪರರ ಪರಪಂಚದಲಿ.

ರಚನೆ : ಕುಮಾರ್ ಬಿ ಬಾಗೀವಾಳ್